Që prej 2002, Fondacioni Shëndetësor ABC ka ofruar çdo vit një program internship/stazhi 1-2 vjeçar për një të sapodiplomuar nga Fakulteti i Mjekësisë, Universiteti i Tiranës. Programi i internship/stazh/trajnim në punë në kujdes parësor përqëndrohet në bazat e kujdesit parësor dhe vlerat etike e morale të mjekësisë. Internet (mjekët në trajnim) vizitojnë pacientë nën mbikqyrjen e  specialistëve në mjekësi familje në Qendrën Shëndetësore, marrin pjesë në sesione javore mësimore të programit të trajnimit, marrin pjesë në programe të shëndetit në komunitet si dhe ndihmojnë e marrin pjesë në aktivitete të tjera trajnuese të Fondacion Shëndetësor ABC.

Qëllimet e programit Internship në Kujdes Parësor janë:

1. Të kuptuarit dhe zbatimi i parimeve të mjekësisë së familjes dhe kujdesit parësor.
2. Zhvillimi i aftësive bazë në konsultimin, ekzaminimin fizik, diagnozën diferenciale dhe menaxhimin e rasteve të hasura në kujdes parësor.
3. Zhvillimi i karakterit të një mjeku me mendësi biblike

Më poshtë disa nga fushat e mbuluara gjatë programit Internship në Kujdes Parësor:

• Marrëdhënia mjek-pacient (aftësitë e komunikimit dhe marrjes të anamnezës)
• Aftësitë e ekzaminimit fizik
• Përgatitje e një liste problemesh mjekësore
• Diagnoza diferenciale e menaxhimi i rasteve të zakonta në kujdes parësor
• Parimet e menaxhimit të sëmundjeve dhe rekomandimi për medikamente
• Letrat e rekomandimit dhe komunikimi me specialistë të tjerë
• Parimet dhe aftësitë bazë të menaxhimit të praktikës mjekësore/qendrës shëndetësore
• Auditimi dhe cilësia e kujdesit shëndetësor
• Metodat e mësimdhënies
• Zhvillim lidershipi/aftësi drejtimi

Programi Internship në Kujdes Parësor fillon çdo vit në tetor.